ՀՀ Արդարադատության նախարարության նախաձեռնությամբ ԱՄՆ ՄԶԳ ֆինանսական աջակցությամբ իրականացվող «Հայաստան Բարեվարքություն» ծրագրի շրջանակներում հայտարարված մրցույթի ընթացքոuմ հաղթած «Իրավաբանների հայկական ասոցիացիա» ՀԿ-ի և Արդարադատության նախարարության մասնակցությամբ իրականացվում է «Ազդարարի՛ր, Հայաստան» ծրագիրը։
Ծրագրի նպատակն է իրականացնել ազդարարման համակարգի հանրային իրազեկում, համակարգի վերաբերյալ հասարակության տարբեր խմբերի ընկալումների փոփոխմանն ուղղված միջոցառումներ, ազդարարման միասնական հարթակից օգտվելու թվային գիտելիքների բարձրացում։ Ծրագրի շրջանակներում արդեն իսկ Երևանում և ՀՀ 4 մարզերում իրականացվել են ազդարարման համակարգերի վերաբերյալ վերապատրաստումներ ավելի քան 600 ուսանողների, աշակերտների, ուսուցիչների, մասնավոր հատվածի և ՏԻՄ ներկայացուցիչների համար։
«Ազդարարի՛ր, Հայաստան» ծրագրին կարելի է ծանոթանալ հետևյալ հղումով՝ www.azdararir.am